Вучні актыўна ўдзельнічалі ва ўсіх конкурсах: адказвалі на пытанні, адгадвалі загадкі, перакладалі словы і працягвалі прыказкі. Дзеці стараліся, падтрымлівалі адзін аднаго і паказалі добрыя веды роднай мовы. Каманды ўпэўнена ішлі да перамогі, і ў выніку кожны ўдзельнік адчуў сябе сапраўдным малайцом. Вучні атрымалі свае заслужаныя балы, а галоўнае — добры настрой і гонар за тое, што яны ведаюць беларускую мову.