Міжнародны дзень роднай мовы асаблівы, бо ў гэты дзень з’яўляецца вельмі добрая нагода задумацца аб лёсе беларускай мовы, выразіць свае пачуцці да яе.  З самага ранку ў СШ №3 г. Ашмяны вучняў і іх бацькоў, педагогаў сустракалі актывісты Школы міру і запрашалі да ўдзелу ў акцыі “З любоўю да роднага слова”. З вуснаў удзельнікаў гучалі самыя шчырыя, самыя трапныя і самыя любімыя беларускія слоўцы. Так было створана «воблака беларускіх слоў», якое радавала ўсіх на працягу дня.